Польша Республикасымен ынтымақтастық студенттер мен оқытушыларға кәсіби өсу мен мәдени алмасу үшін бірегей мүмкіндіктер ашты. Бүгінде университетіміздің халықаралық байланыстарын дамытудың маңызды элементі болып табылады. ЖОО-ға жұмыс сапарымен Польша Республикасының Қазақстандағы дипломатиялық миссиясының басшысы Михал Лабенда келді.
Ол ЖОО басшылығымен кездесіп, студенттерге дәріс өткізді және ОЗК зертханаларымен танысты.Серіктестік 2019 жылы 40 агроном студент Иновроцлав.қ.Agros компаниясында алты айлық кәсіби тәжірибеден өткен кезде басталды.Осы бағытта Green Groups компаниясымен ынтымақтастық жүргізілуде. Нәтижесінде осы кезең аралығында Қозыбаев университетінің 116 студенті Польшада ақылы өндірістік тәжірибеден өтті. Тағылымдама барысында студенттер агроөнеркәсіптік кешендерде практикалық дағдыларды игеріп қана қоймай, сонымен қатар заманауи ауылшаруашылық технологияларымен және шаруашылық жүргізу әдістерімен жұмыс істеу тәжірибесіне ие болды, бұл оларға еңбек нарығында бәсекеге қабілеттілігін арттыруға мүмкіндік береді. Біздің үш оқытушы Польшаның агроөнеркәсіп кешендерінде кәсіби тағылымдамадан өтті. Польшаның жетекші жоғары оқу орындарының бірі-Варшава университетімен ынтымақтастық туралы келісімге қол қойылды. Бұл серіктестік студенттерімізге академиялық ұтқырлық бойынша үлкен мүмкіндіктер ашады. Бірлескен қос дипломды бағдарламалардың ашылуы талқыланды.
Сапар барысында дипломатиялық миссия басшысы Михал Лабенда Солтүстік Қазақстан филология студенттерінің білім беру бағдарламасына поляк тілін енгізу, ЖОО базасында польшалық орталық ашу және студенттердің тәжірибелері мен академиялық ұтқырлығын ұйымдастыру желісі бойынша өзара ынтымақтастықты жалғастыруды ұсынды.
«Мен үшін университеттер арасындағы ынтымақтастық-маңызды тақырыптардың бірі. Польшалық бизнес субъектілері мен ЖОО Солтүстік Қазақстан университетімен ынтымақтастық орнатқанына қуаныштымын. Варшава жаратылыстану ғылымдары университеті сіздермен қос дипломдық бағдарламаларды әзірлеуге дайын. Барлық жоспарлар орындалады деп үміттенемін. Польша Елшілігі тарапынан қолдау көрсетіледі», — деді Михал Лабенда.
