Университет қабырғасында өзінің 75 жылдық мерейтойын қазақстандық нейрофизиолог, медицина ғылымдарының докторы, профессор, ҚР Әскери ғылымдар Академиясының корреспондент-мүшесі және ҚР Педагогикалық ғылымдар Академиясының академигі Жанбатыр Сартаев тойлады. Бүгінгі күні ол «Клиникалық пәндер» кафедрасында сабақ береді.
Жанбатыр Нұртайұлының бастамасымен ғылымда бірінші болып «Әскери қызметшілердегі созылмалы күйзеліс кезіндегі нейрофизиологиялық бұзылулар және олардың алдын алу» тақырыбын зерттеп, әскери қызметшілерде созылмалы күйзеліс туындаған кезде невроздардың пайда болу жағдайларын зерттеді. Дәл осы тақырыпта 2003 жылы докторлық диссертациясын ойдағыдай қорғап шықты. Профессорды мерейлі жасымен құттықтау үшін ЖОО қызметкерлері, әріптестері мен шәкірттері жиналды. Жүректен шыққан ақ жарма тілектерін арнап, сый құрмет көрсетті.
«Бүгін біз Жанбатыр Нұртайұлының еліміздің ғылымы мен біліміне қосқан баға жетпес үлесін атап өтеміз»,- дейді кездесуге қатысушылар. Оның көптеген монографиялары, оқулықтары мен оқу-әдістемелік құралдары бар. Сіңірген еңбегі үшін ҚР Президентінің Жарлығымен «Ерен еңбегі үшін» медалімен марапатталды. «Ұлттық медицина қауымдастығы» республикалық қоғамдық бірлестігінің жоғары «Алтын дарігер» төсбелгісінің иегері. Үлкен ғалымға мықты денсаулық, мол қуаныш тілейміз!
