Еліміздің басты мерекесі қарсаңында ЖОО-да Қазақстан Республикасы күніне арналған салтанатты іс-шара өтті. Бұл мереке көпұлтты халқымыздың тәуелсіздік жолындағы ерік-жігерінің, оның бірлігі мен достығының символына айналды.
«Мемлекет басшысы атап өткендей, біздің халқымыздың бірлігі мен ынтымақтастығының арқасында еліміз сын-қатерлер мен сынақтарды еңсерді. Республика күні гүлденген қоғам құруға деген шынайы ұмтылысымызды білдіреді, бізді жаңа жетістіктерге шабыттандырады», – деді Басқарма Төрағасы – Ректор Ербол Исақаев.
Сондай-ақ, осы күні ерекше көзге түскен қызметкерлер мен педагогтарды марапаттау рәсімі өтті. АЭС құрылысы бойынша республикалық референдумды дайындап, өткізуге белсенді қатысқаны үшін ҚР Президентінің Алғыс хатын профессорлар Андрей Солодовник пен Мукарам Тайжанова алды.
ҚР Парламенті Мәжілісі Төрағасының грамотасымен қызметкер Тимур Айтуллин, ҚР Парламенті Мәжілісі Төрағасының алғыс хаттарымен – МЖҒФ деканы Сергей Пашков және кітапханашы Диляра Сейдахметова марапатталды.
Ғылым, жоғары білім және мәдениет саласындағы елеулі нәтижелері үшін ҚР ҒЖБМ «Ғылымды дамытуға сіңірген еңбегі үшін» төсбелгісі доцент Галина Колесникова, профессор Наталья Пустовалова, доцент Татьяна Ратушнаяға табыс етілді; «Тіл жанашыры» құрметті дипломы – доцент Қайнижамал Икласова; «Жоғары және жоғары оқу орнынан кейінгі білім беру ісінің үздігі» құрметті дипломын кафедра меңгерушісі Асқар Таджигитов алды. Тағы 4 адам ҚР ҒЖБМ құрмет грамоталары мен алғыс хаттарына ие болды.
Еңбек және кәсіби қызметтегі жоғары нәтижелерге қол жеткізгені үшін ҚР Көлік министрлігінің наградалары: «Еңбек ардагері» медалі – Анатолий Томашец, «Құрметті автокөлікші» төсбелгісі - Борис Абрамов, «Үздік автокөлікші» төсбелгісі- Сергей Колисниченко.
ҚР Ауыл шаруашылығы министрлігінің «Ауыл шаруашылығы саласының үздігі» төсбелгісі кәсіби қызметіндегі жоғары жетістіктері, мал шаруашылығы мен ветеринариялық қауіпсіздікті, Ауыл шаруашылығын дамыту саласындағы көп жылғы жемісті еңбегі үшін АФ деканы Алтын Шаяхметоваға, ал ҚР АШМ құрмет грамотасы доцент Эльмира Кантарбаеваға табысталды.
Су шаруашылығын дамытуға қосқан елеулі үлесі үшін ҚР Су ресурстары және ирригация министрлігінің наградаларын мына педагогтар алды: «Су шаруашылығының үздігі» төсбелгісі – Ирина Голодова, алғыс хат – Игорь Седельников.
Қоршаған ортаны қорғау саласындағы белсенді және жемісті жұмысы, жаңашылдығы мен бастамасы, халық арасында экологиялық қозғалысты насихаттаудағы жетістіктері үшін кафедра меңгерушісі Бану Доскенова ҚР Экология және табиғи ресурстар министрлігінің «Экология саласының үздігі» төсбелгісімен марапатталды.
Сонымен қатар, бірқатар қызметкерлер Петропавл қаласы әкімінің грамоталарымен және алғыс хаттарымен, облыстық мәслихат төрағасының алғысымен, «AMANAT» партиясы хатшысының алғыс хаттарымен, Басқарма Төрағасы – Ректордың құрмет грамоталарымен марапатталды.
«Академик Манаш Қозыбаев» медалін ЦД директоры Дмитрий Мораш және аға оқытушы Александр Наумов алды. ЖОО ұжымын Қозыбаев университетінің Директорлар кеңесінің төрағасы Ғалым Байтук құттықтады.
Ал білім ордамыздың талантты студенттері кеш қонақтарына концерттік бағдарлама ұсынды. Баршаңызды мерекемен құттықтаймыз! Отанымыз– Қазақстан Республикасына тұрақтылық, бейбітшілік пен өркендеу тілейміз!
