Қозыбаев университетінің студенттер контингенті 6000-нан астам адамды құрайды. Кәсіптік бағдар беру жұмыстарының арқасында студенттер ағынын одан әрі кеңейту жоспарлануда. Осы аптада Петропавл мектептерінің 200-ге жуық оқушысы қамтылды.Балалар оқу-зертханалық ғимаратты аралап, факультеттердің жаңа жабдықтарымен танысты. ЖОО-ның тарихи мұражайына, әскери кафедраға және бассейнге барды.Экскурсиялардан басқа, оқушыларға Аризона университетімен қос дипломды бағдарламалар мен білім ордаға түсу ерекшеліктері, перспективалары туралы егжей-тегжейлі айтылды.Талапкерлер қызықтырған барлық сұрақтарын тікелей декандар мен кафедра меңгерушілеріне қоюға мүмкіндік алды. Шара барысында балалар би баттлдарына қатысып, уақыттарын көңілді өткізді.
