ҚР Ғылым және жоғары білім министрлігінің еліміздің жоғары оқу орындарына шетелдік ғалымдарды тарту жобасы аясында Қозыбаев университетіне Польша мен Малайзиядан профессорлар келді.
Нурлияна Абдулла Лили және Фатима Сиди – Малайзиядағы Путра университетінің PhD докторы. Бұл университет 17 факультет пен тоғыз ғылыми- зерттеу институтының базасында инженерия, медицина ғылымдары, экономика, менеджмент, білім беру, тілдер және коммуникация саласында білім береді. Қозыбаев университетінде олар инженерия және сандық технологиялар факультетінің педагогтары үшін біліктілікті арттыру курсын өткізеді. Нурлияна Абдулла Лили студенттерді оқытудағы заманауи технологиялар мен мультимедиялық құралдарға арналған ПОҚ үшін ашық дәріс оқыды.
«Малайзия университеттерінің өкілдері бізге жиі келмейді. Сондықтан, біз үшін одан әрі серіктестіе, оның ішінде ғылым саласындағы ынтымақтастық маңызды. Қызықты болады деген ойдамын», – деп атап өтті Басқарма Төрағасы – Ректор Ербол Исақаев.
Польшаның Познаньдағы ең ірі жоғары оқу орындарының бірі – жаратылыстану ғылымдары университетінің профессоры Чубак Вавжинец Экономика, Есеп және қаржы кафедрасына ынтымақтастық құру үшін келді. Ол Польшадағы дуальды білім беруді қалыптастыру және дамыту бойынша әріптестерімен тәжірибесімен бөлісті. Сонымен қатар, дуальды оқыту тақырыбына қоса Солтүстік қазақстан ғалымдарымен бірлесіп дайындап жатқан ғылыми жарияланымдары арналады. Профессор Вавжинец қызметінің тағы бір бағыты – «Қаржы, есеп және талдау» бойынша біліктілікті арттыру курстарын ұйымдастыру. Дипломдық және магистрлік жұмыстарға басшылыққа қатысу жүзеге асырылады.
Қозыбаев университетінде шетелдік ғалымдар 4 апта болады. Осы уақыт ішінде бірқатар бірлескен конференциялар мен семинарлар өткізу, сондай-ақ одан әрі ынтымақтастықтың бағыттарын белгілеу жоспарлануда
