ҚР ҒЖБМ ғылым және жоғары білім саласындағы сапаны қамтамасыз ету комитеті «Мал шаруашылығы және зоотехния» бағыты бойынша «қауымдастырылған профессор» ғылыми атағын Баязитова Күлбарам Нұрғалиқызына берді.
Ол «Азық-түлік қауіпсіздігі» кафедрасының доценті, ауыл шаруашылығы ғылымдарының кандидаты. Біздің ЖОО-да 22 жылдан астам қызмет жасап келеді. Оның агроөнеркәсіптік кешен саласындағы ғылыми еңбектері бар.
2021 жылдан бастап Күлбарам Нұрғалиқызы «Қазақстанның әртүрлі табиғи-климаттық аймақтары үшін бейімделген ресурс-энергия үнемдейтін және цифрлық технологияларды қолдану негізінде сүтті мал шаруашылығында күтіп-бағу, азықтандыру, өсіру және өсімін молайту технологияларын әзірлеу» бағдарламасының қолданбалы ғылыми зерттеулерді орындау бойынша С. Сейфуллин ат. Қазақ агротехникалық университетінің ғалымдарымен бірлескен жобаның жетекшісі болып табылады. 2023 жылы «Сүтті малға арналған Премикс» өнертабысына Еуразиялық патент алды.
Оның жетекшілігімен ҚР АШМ және Дүниежүзілік банктің «Ауыл шаруашылығы өнімдерінің бәсекеге қабілеттілігін арттыру» жобасы аясында «Бесқұдық» ЖШС-де «Асыл тұқымды және өнімді қойлардың сапасын арттыру», «СҚО жағдайында қорғалған топырақтағы көкөніс дақылдарының өнімділігі мен сапасының факторларын оңтайландыру» жобалары енгізілді. Еліміздің АӨК дамуына қосқан зор үлесі үшін «Ауыл шаруашылығы саласының үздігі» медалімен марапатталған.
Күлбарам Баязитованы ғылыми жетістігімен құттықтаймыз!