QS рейтингтік агенттігі QS World University Rankings: Asia 2025 рейтингінің нәтижелерін жариялады. Биыл оған 25 елден 984 университет, оның ішінде Қазақстанның 35 жоғары оқу орны кірді.
QS World University Rankings: Asia 2025 мәліметтері бойынша, өткен жылмен салыстырғанда 22 қазақстандық жоғары оқу орны өз беделін жақсартты. Солардың бірі М.Қозыбаев атындағы университет. Біз академиялық тұрғыдан және жұмыс берушілердің беделін, жарияланым белсенділігі бойынша көрсеткіштерімізді арттырдық.
Осылайша, QS World University Rankings: Asia 2025 рейтингінде Қозыбаев университеті Қазақстанның үздік 35 жоғары оқу орындарының қатарына кіріп қана қоймай, ұжымның бірлескен күш-жігерінің арқасында 521-540 орын алды.
QS Asia University Rankings рейтингін жасау үшін үздік университеттердің қызметін объективті және толық сипаттайтын 11 көрсеткіш пайдаланылады.Айтып өткен жөн, QS агенттігінің рейтингтері әлем бойынша ықпалды деп танылады. QS өңірлік директоры Сергей Христолюбов атап өткендей:«Қазақстандық жоғары оқу орындарын рейтингтерде одан әрі ілгерілету үшін негізгі мүмкіндіктердің бірі материалдық және материалдық емес ынталандырулар жасау және академиялық жазу дағдыларын дамыту арқылы оқытушылар мен қызметкерлерді ғылыми зерттеулерге тарту болып табылады».
Қозыбаев университетінің қызметкерлер мен оқытушылар құрамының рейтингтік позицияларын жақсартуға қосқан маңызды үлесін атап өткім келеді, бұл олардың жоғары білім жүйесінің барлық аспектілерін қамтитын, үйлесімді жұмысының нәтижесі болды.
