Университетте профессор, өнертану кандидаты, музыкант, ғалым, педагог Анатолий Ефимович Слезкоға (1941-2002) арналған атаулы аудиториясы ашылды. Өмірінің 23 жылын университетімізге арнап, ұстаздық етті, кафедраны басқарды, 14 жыл Музыка-педагогика факультетінің деканы болды. Осы уақыт ішінде ол ондаған шығармашылық жобаларды іске асыруға, өнертану саласында зерттеулер жүргізіп, сол арқылы облыстың және жалпы Қазақстанның мәдениетіне орасан зор үлес қосты.
«Мәдениет әлемі: өнер, ғылым, білім» атты республикалық ғылыми-тәжірибелік конференцияда әріптестері даңқты тәлімгердің еңбегін еске алды. «А.Е. Слезко атындағы аудиторияны ашу туралы арманымыз орындалды. Ол 1988 жылдан 2002 жылға дейін MПФ деканы болды. Біздің кафедра қызметкерлерінің жадында мұндай тұлға мәңгілік есте қалмақ. Сондықтан бірден атаулы аудитория ашу туралы ой келді», – деді «Музыкалық пәндер» кафедрасының доценті Галина Колесникова.
Сондай-ақ, бұл күні А.Е. Слезконың ғылыми-педагогикалық мұрасын сақтауға арналған «Гармония жизни. Энергия музыки» атты ғылыми-әдістемелік мақалалар жинағының тұсаукесері өтті. Кітапта Анатолий Ефимовичтің ғылыми-зерттеу, әдістемелік және этнографиялық сипаттағы еңбектері ғана емес, сонымен қатар ол туралы естеліктер, фотосуреттері жинақталған. Жинақ авторлары – «Музыкалық пәндер» кафедрасының доценті Галина Колесникова және аға оқытушы Татьяна Жукова.
