Биыл университет қабырғасындағы сапа апталығы дуальды оқытуды енгізу тақырыбына арналды. Оның аясында университетте қазақ, орыс және ағылшын тілдерінде офлайн және қашықтықтан 30-ға жуық іс-шара өткізілді: дөңгелек үстелдер, ашық сабақтар, викториналар, конференциялар және т.б.Малайзия мен Польшадан келген шетелдік профессорлардың қатысуымен студенттерге арналған ашық дәрістер мен ПО құрамның біліктілігін арттыру курстары өткізілді.
Университетіміздің серіктестері болып табылатын Петропавл қаласындағы кәсіпорындар мен білім беру ұйымдарында бірқатар тәжірибелік сабақтар ұйымдастырылды.Аймақтағы жұмыс берушілермен ынтымақтастыққа ерекше көңіл бөлінді.
СҚО мектептері мен колледждердің басшылығымен диалог алаңдарында тағылымдама, дуальды оқыту және жұмысқа орналастыруды ұйымдастыру мәселелері талқыланды. АФ, ПФ, ИСТФ, МЖҒФ және ТжӘИ студенттері ашық практикалық сабақтар арқылы кәсіби шеберліктерін шыңдай алды. Сапа апталығы «Музыкалық пәндер» кафедрасы мен Ермек Серкебаев атындағы өнер колледжі – өнерде дарынды балаларға мамандандырылған мектеп-интернат білім алушылары үшін «Дуальды білім берудің негізгі принциптері мен мәселелері» тақырыбындағы дөңгелек үстелмен аяқталды.
