Қозыбаев университеті ауқымды кәсіптік бағдар беру науқанын бастады. Солтүстік өңіріміздің оқушылары үшін қазірдің өзінде СҚО-ның көпсалалы ЖОО-да мамандықтар туралы ақпарат алу мүмкіндіктері қарастырылған. Сондықтан университет делегациясы балаларға өздерін қызықтыратын барлық ақпаратты егжей-тегжейлі ұсыну үшін облысымыздың ең алыс аймақтарына барады.
Қазіргі уақытта ЖОО өкілдері Шал ақын, Мағжан Жұмабаев, Ақжар, Аққайың, Есіл, Мамлют және Уәлиханов аудандарында болды. Олардың әрқайсысының әкімдігімен ынтымақтастық туралы меморандумдарға қол қойылды.Кездесулерге басқарма, қабылдау және рекрутинг Кеңсесінің өкілдері, факультет декандары, кафедралар, ПОҚ қатысады. Олар оқушыларды университеттің жетістіктерімен, кадрларды даярлаудың үш деңгейлі жүйесімен, білім беру бағдарламаларымен, Аризона университетімен қос дипломды бағдарлама бойынша оқыту мүмкіндіктерімен таныстырады.
Оқушыларды грантқа түсу, квота алу, академиялық ұтқырлық мәселелері қызықтырды.Студенттер келген білім алушыларға концерттік бағдарламаларын ұсынды.Облыстың жеті ауданында кәсіптік бағдар беру іс-шараларына 1500-ден астам түлек қатысты. Олардың ішінде Қозыбаев университетіне оқуға түсуге ниет білдіргендер қатары жеткілікті.
