6 корпустың фойесі лық толы. 400-ден астам студент. СҚО-ның 20-дан астам компаниясы. Ондаған дайындалған түйіндеме. Жүздеген өзекті жұмыс орындары. Бос орындар жәрмеңкесі нәтижелі өтті. Оған ИСТФ, АФ, МЖҒФ, ТЭҚФ төртінші курс студенттері қатысты. Білім алушылар HR-қызметтермен жеке әңгімелесуден өтіп, бос орындармен танысып, табысты жұмысқа орналасу бойынша кеңес ала алды.
Жас мамандарға келген ұйымдардың қатарында ірі банктердің филиалдары, ауылшаруашылық және өндірістік кәсіпорындар, зауыттар, құрылыс фирмалары, IT-компаниялар және өңірдің бизнес-саласының басқа да өкілдері мен мемлекеттік мекемелер де бар.Студенттер сауалнамаларды толтырып, жұмыс берушілерге байланыс телефондарын қалдырды. Компаниялардың қызметімен жақынырақ танысты. Әрі қарай олар тағылымдамаға немесе практикаға шақырылады. Мүмкін, студенттер армандаған жұмыс орындарын тапқан шығар.
