Университетімізге Алматы Менеджмент Университетінің президенті Асылбек Қожахметов келді. Басқарма Төрағасы – Ректор Ербол Исақаевпен еркін сарындағы әңгіме барысында екі ЖОО қарым-қатынастарын нығайту бойынша өз ұсыныстарын білдірді.
2023 жылдан бастап Қозыбаев университеті Алматы қаласындағы AlmaU Жоғары бизнес мектебімен бірлесіп «Іскерлік басқару» МВА қос дипломды білім беру бағдарламасын жүзеге асырады. MBA– бас менеджерлерді қызметтің әртүрлі салаларында жұмыс істеуге дайындайтын менеджмент саласындағы магистрлік біліктілік. Бағдарлама Қазақстан нарығының жағдайына бейімделген. Оқу мерзімі – 2 жыл. Ол заманауи басқарушылық білім мен дағдыларды игеруге, бизнес ортада еркін стратегиялық шешімдерді қабылдауға мүмкіндік береді. Студенттер оқыту форматтарын таңдай алады. Осының барлығы жұмыс берушілермен байланысты нығайтуға және СҚО бизнес қауымдастығымен өзара іскерлік серіктестікті жандандыруға мүмкіндік берді.
Қазіргі уақытта студенттердің үш легі қабылданды, бұл 40-тан астам адам. Олардың арасында облыстағы кәсіпкерлер мен ірі компаниялардың басшылары бар. Сабақтарды өткізуге үздік оқытушылар, бизнес-ортаның өкілдері, сала мамандары шақырылады.
«Қазіргі уақытта AlmaU-мен бірге жүзеге асырылып жатқан бағдарлама университетіміз үшін де жастарды тартатын қызықты орта болмақ. Облыста көптеген ірі кәсіпорындар бар, олармен жақсы қарым-қатынас орнаттық. Бизнес ынтымақтастыққа дайын», – деді Ербол Исақаев.
Соңғы бірнеше жылда университетіміз қайта құрудың жаңа кезеңіне аяқ басып, заманауи болуға ұмтылады. Осыған байланысты Алматы Менеджмент Университетінің жаңа білім беру өнімі, уақыт талабына сай, оқу саласын жақсартып, жергілікті бизнес қауымдастығын ілгерілетуге бағытталған
