Университетке Түркиядан профессорлар келді. Шетелдік ғалымдар оқу ордамызда 20 желтоқсанға дейін бір ай көлемінде География және экология кафедрасында студенттер мен оқытушыларға арналған семинар-тренингтер өткізеді.
Емин Атасой (Бурсаның Улудаг университеті) және Семра Гюнай (Анадолу Университеті) PhD докторлары болып табылады және Түркия, Литва, Словакия, Грузия, Польша, Қазақстан және басқа елдердің университеттерінде үлкен халықаралық тәжірибесі бар.
Түрік ғалымдары ғылыми мақалалар жазу мен зерттеулер жүргізудегі құнды тәжірибелерімен бөліседі.
Семра Гюнай – туристік ресурстарды зерттеу саласындағы танымал сарапшы. Оның ғылыми қызығушылықтары география, экология және тұрақты даму саласындағы маңызды мәселелерді қамтиды.
Ал Емин Атасойдың геосаясат, демография, этногеография, әлеуметтік және экономикалық география т.б. салалары бойынша 150-ден астам жоғары ғылыми жарияланымы бар. Енді профессорлардың үлкен тәжірибелері біздің студенттерге қолжетімді болмақ. Олар Қозыбаев университетіне ҚР ҒЖБМ шетелдік мамандарды Қазақстанның жоғары оқу орындарына тарту бағдарламасы аясында келді.
