Мағжан Жұмабаев ауданынан келген талапкерлер, Қозыбаев университетінің білім беру бағдарламалары мен Аризона университетімен ынтымақтастық жобасы және оның мүмкіндіктері туралы жан-жақты ақпарат алды. Кәсіптік бағдар беру кеңесшілер тобы облыс мектептерінің түлектеріне: сұранысқа ие мамандықтар, академиялық ұтқырлық, шетелдің жетекші профессорларының дәрістері, шығармашылық және стартап жобаларын жүзеге асыру, қос диплом алу мүмкіндіктері жайлы таныстырды. Талапкерлерге университетіміз туралы ақпараттық материалдар таратылды.Келесі дүйсенбіде кәсіптік бағдар беру тобымыз Жамбыл ауданына аттанады.
