Университетке солтүстік өңір бойынша экономикалық тергеу департаментінің өкілдері келді. Кездесу барысында олар департаменттің қызметі, бөлімшелері және дамудың басым бағыттары туралы айтты. Сарапшылар атап өткендей, соңғы кездері жастар көбінесе қаржылық пирамидалар мен ақпараттық алаяқтардың құрбанына айналады.
ЭТД қызметкерлері экономикалық қылмыстардың жаңа үлгілерін үнемі анықтайды.Жас студенттерді құрылып жатқан қаржылық мониторинг мамандарының тобы қызықтырды. Оған біздің университеттің түлектері де түсе алады.
«Ертеңгі ел болашағы жастардың қолында. Құқық қорғау қызметінде жұмыс істеу оңай емес екені мәлім. Алайда, шынымен ұнататын іспен айналысатын болсаңыз, мамандығыңыз қиындықтар әкелмейді деп ойлаймын. Өмірдегі маңызды кезеңдердің бірі -мамандықты дұрыс таңдау. Менің ойымша сіздер дұрыс таңдау жасайсыздар»,-деді СҚО бойынша ЭТД басшысы Бақытжан Әбілқайыров.
