ЖОО-да жастардың сыбайлас жемқорлыққа қарсы дүниетанымын қалыптастыруға арналған TEDx форматындағы кездесу өтті. Қатысушылар арасында Sanaly Urpaq жобалық кеңсесінің белсенділері мен факультет студенттері бар. Баяндамашы, «Қоғамдық Келісім» КММ қоғаммен, БАҚ-пен байланыс бөлімінің жетекшісі, қалалық мәслихаттың депутаты Сәлімхан Сәбитов болды.Ол білім алушыларға парасаттылық, сыбайлас жемқорлыққа төзбеушілік қағидаттары туралы айтып, өзінің тәжірибесінен мысалдар келтірді.
«Бүгінгі таңда студенттердің парасаттылыққа, сыбайлас жемқорлыққа қарсы іс-қимылға байыпты көзқараспен қарайтындығы қуантады. Ең бастысы, өзіңізге адал болу маңызды: емтихандарды тапсыру кезінде, тіпті, жүргізуші куәлігін алуда пара бермеңіз. Қазақстандықтардың арасында өз еңбегімен, адал қызмет жасап жатқан тұлғалар көпшілік»,- деді спикер
