ҚР Премьер-Министрінің орынбасары Тамара Дүйсенованың университетке сапары барысында Қозыбаев университетінің базасында «Серпін» өңірлік жобалық кеңсесінің қызметі,бағдарламаны іске асыру, оның түлектерін жұмысқа орналастыру талқылаудың негізгі бағыттарымен танысты. «Серпін» бағдарламасымен ЖОО-ны 1352 адам бітірді, оның 442-сі жұмысқа орналастырылды.
Қазан айында Қозыбаев университетінің базасында «Серпін Қолдау» өңірлік жобалық кеңсесі құрылды. Оған барлық мүдделі мемлекеттік органдар кіреді. Негізгі міндет - әр студент пен бітіріп шыққан түлекке жеке қолдау көрсету. Қазір бағдарлама бойынша ЖОО-да 169 студент оқиды. Олардың әрқайсысымен жобалық кеңсе барлық тарапта қолдау көрсетпек. Мысалы 2 және 3 курс студенттері арасында тренингтер мен тәлімгерлік бағдарламалар жүргізіледі. Ол үшін СҚО-ның ең ірі жұмыс берушілерімен 302 келісім-шарт жасалды. Сондай-ақ, оңтүстік өңірлерден келген білім алушылардың мәдени интеграциясы жүзеге асырылады.
Биылғы жылы техникалық, ауыл шаруашылығы және педагогикалық мамандықтар бойынша ЖОО бітірген 68 студенттің 55%-ы жұмысқа орналастырылған. Тағы 31 студентке жеке жұмыс жоспарлары жасалып, қызметке орналасу үшін ұйымдармен арнайы келісімдерге қол жеткізіп отыр. «Серпін» студенттері, түлектерімен, Ғылым және жоғары білім вице-министрі Талғат Ешенекұлов, Мәжіліс депутаты, «Серпін» республикалық жобалық кеңсесінің басшысы Мұрат Әбенов, СҚО әкімі Ғауез Нұрмұхамбетов кездесіп, ашық әңгіме өтті. Сондай-ақ, жұмыс берушілермен кездесуде бүгінгі таңда бағдарламаның бірқатар мәселелерін тиімді іске асыру жолдары қарастырылды. Негізгі мәселелердің бірі - кәсіпорындардың қажеттіліктеріне орай нақты жұмыстың болмауы.
«Серпін» бағдарламасын жүзеге асырушылардің бірі- жұмыс берушілер болып табылады. Көптеген университеттер әлі де кадрлар дайындауда кәсіпорындардың талабымен санасу керектігіне назар аудармай келеді. Бұл келіспеушілікті алдын алу үшін жұмыс берушілердің қажеттіліктерін анықтай отырып, бағдарламаны жүзеге асыру қажет», - деп атап өтті Тамара Дүйсенова.
Бизнес өкілдері- Alageum Electric компаниясы, «Nord panels» ЖШС, «Максимальный Размах corporation» ЖШС жас мамандарға деген қажеттілік пен «Серпін» бағдарламасының түлектеріне деген жоғары сұранысты атап өтті. Кездесуде түлектер студенттік кезеңдері мен қазіргі қызметтері туралы әңгімеледі. Солардың бірі МЖҒФ түлегі Нүрсейіт Абдразаков.
«Мен 2016 жылы Түркістан облысынан серпін бағдарламасы бойынша Қозыбаев университетіне түстім. 2020 жылы оқуды аяқтап, университет тарапынан ұсынылған жұмыс орнына қызметке орналастым. Қазіргі уақытта Береке ықшам ауданында орналасқан № 25 орта мектепте География пәні мұғалімі болып жұмыс жасаймын. Серпін бағдарлмасының арқасында ЖОО тарапынан қолдау таптым әрі мемлекеттен бір жылдық атаулы әлеуметтік көмек алдым. Осының арқасында біз ипотека арқылы пәтерге қаражат жинап жатырмыз. Алдағы уақытта осы қалада қалып, қызметімді жалғастыру жоспарда бар»,-деп Серпін бағдарламасының түлегі өз ойымен бөлісті.
Бағдарлама бойынша ЖОО-да оқуды аяқтаған жас мамандар білім алушылар мен түлектерге қолдау көрсететін «Alumni Serpin» түлектер қауымдастығын құру туралы бастамасы көтерілді. Бүгінгі таңда университеттің жатақханалардағы бос орындар бар екенін ескере отырып, түлектерге уақытша баспана беру мүмкіндігі бар. Сонымен қатар, бұл күні Тамара Дүйсенова Қозыбаев университетінің жаңа зертханаларының Агротехнологиялық, мал шаруашылығы және медициналық бағыттар бойынша зерттеу қызметімен танысты.
