Петропавл қаласындағы Оқушылар сарайында Солтүстік Қазақстан облысы прокуратурасының қызметкерлері мен Қозыбаев университетінің студенттері арасында «Заң білгірлері» зияткерлік ойыны өтті.Шара жоғары білікті мамандардың білімі мен құзыретін анықтауға, қолданыстағы заңнаманы тұрақты негізде зерделеуге бағытталған. Студенттеріміз үшін мұндай байқаулар болашақ әріптестермен өзара қарым-қатынас орнатуға , шеберліктерін сынауға, өзін-өзі танытуға мүмкіндік береді.
Турнирге барлығы 12 қатысушыдан құралған 4 команда қатысты, құрамында қазіргі қызметкерлер мен «Құқықтану» Бб 4 курс студенттері болды. Ойын 3 кезең бойынша өткізілді («Не? Қайда? Қашан?», «Блиц», «Үйге тапсырма»).
«Бұл зияткерлік іс-шара М.Қозыбаев ат. СҚУ мен СҚО прокуратурасы арасындағы ынтымақтастық туралы меморандум аясында өткізілуде. Студенттер өз еркімен қатысуға ниет білдіріп, кәсіби байланыстарды дамытуға қызығушылық танытты. Менің ойымша мұндай сайыстар белгілі бір нәтиже береді: студенттер өздерінің білімдерін көрсетіп, әріптестерімен тікелей байланыста болады, кейін тәжірибеден өтіп, жұмысқа орналаса алады»,- дейді Әлеуметтік-мәдени даму жөніндегі Басқарма мүшесі Азамат Жікеев.
Қазылар алқасының құрамында мемлекеттік органдардың өкілдерімен бірге Қозыбаев университетінің оқытушылары да болды. Интерактивті тапсырмаларды орындау нәтижесінде №1 «Фемида» командасы жеңіске жетті. Құттықтаймыз! Біз ынтымақтастықты жалғастыруға қуаныштымыз!
