Білім алушыларды әлеуметтік қолдау аясында «Freedom Шапағат» корпоративтік қоры айына 52 083,33 теңге көлемінде 5 (бес) стипендия беретінін. Бұл стипендия 2024-2025 оқу жылына арналған байқаудың негізінде беріледі.
Стипендия тағайындау үшін кандидатураларды факультет кеңестері, деканаттардың ұсынысы немесе өзін-өзі ұсыну бойынша жүргізіледі.
Байқауға келесі санаттағы білім алушылар қатыса алады:
- бакалавриат бағдарламалары бойынша, негізінен қаржы-экономикалық, математикалық, ақпараттық-техникалық және лингвистикалық мамандықтар бойынша күндізгі нысандағы 2, 3, 4, 5 курс білім алушылары;
- «жақсы» және «өте жақсы» бағаларына сәйкес келетін, GPA кемінде 3,4 үлгерімі бар білім алушылар;
- қаржы, математика, ақпараттық технологиялар, лингвистика саласында ғылыми-практикалық жұмыстармен айналысатын білім алушылар.
Стипендия тағайындау кезінде үміткердің құжатпен расталған мынадай жетістіктері ескеріледі:
1) республикалық және халықаралық олимпиадалардағы жеңістері;
2) ғылыми еңбектер жинағындағы, республикалық және халықаралық ғылыми журналдардағы жарияланымдары;
3) жетістіктері дипломдармен, грамоталармен, сертификаттармен, куәліктермен расталған ғылыми-зерттеу жұмысының нәтижелері.
Үміткерлерді іріктеу тәртібі:
- Үміткер тізімге сәйкес құжаттар пакетін деканның оқу-тәрбие жұмысы жөніндегі орынбасарына тапсырады. Оқу-тәрбие жұмысы жөніндегі орынбасары үміткерлердің құжаттарын талаптарға сәйкестігін тексереді және Комиссияның қарауына Bursar's Office-ке тапсырады;
- Комиссия стипендияны одан әрі тағайындау үшін ұсынылған құжаттарды талдайды.
- Стипендия тағайындау Комиссия шешімі негізінде М. Қозыбаев атындағы СҚУ Басқарма Төрағасы - Ректорының бұйрығымен жүзеге асырылады.
Құжаттарды қабылдау 2024 жылғы 11 желтоқсанға дейін сағат 18:00-ге дейін жүзеге асырылады
Байқауға қатысу үшін құжаттар тізімі:
- Білім алушының М. Қозыбаев атындағы СҚУ Басқарма Төрағасы – Ректорының атына байқауға қатысуға өтініші.
- Білім алушының жеке басын куәландыратын құжаттың көшірмесі;
- Барлық оқу кезеңі үшін транскрипт;
- Үміткердің жетістіктерін растайтын құжаттардың көшірмелері (грамоталар, сертификаттар, алғыс хаттар және т.б.).
