Қозыбаев университеті мен «Ұлттық ақпараттық технологиялар» АҚ-да кәсіптік тәжірибеге студенттерді қабылдау туралы келісім жасалды. Қазіргі таңда 17-28 ақпан аралығында ИС-21к тобының студенттері Дарина Мендыбаева мен Фарида Хамитова SDM Big Data бөлімінде кәсіби тәжірибеден өтуде.
Мұнда мемлекеттік ақпараттық жүйелердегі үлкен деректерді өңдеуге жауапты Қазақстанның жетекші мамандары жұмыс істейді. Бұл біздің студенттер үшін IT секторында сұранысқа ие мамандықтардың кең ауқымы бойынша кәсіби білімдерін меңгеру және дамытуда үлкен мүмкіндіктер ашады. Тәжірибе жетекшісі студенттерге HeadHunter платформасынан бос орындарды жинау және талдау жүйесін құруды тапсырды.Сонымен қатар, АКТ кафедрасының оқытушысы Қайрат Мунтинов кәсіпорында тағылымдамадан өтіп жатыр.
«ҰАТ» АҚ– ҚР «электрондық үкіметінің» ақпараттық- коммуникациялық инфрақұрылымының жетекші операторы. Айтып өткен жөн, мұнда алған кәсіби білім мен дағдылар болашақта студенттерге септігін тигізеді. Өйткені, жұмыс берушілер үшін түлектердің түйіндемесінде «ҰАТ» АҚ тағылымдамадан өту және жұмыс істеу туралы мәліметтердің болуы сапа белгісі болып табылады.