27 ақпан күні Тіл және әдебиет институының ұйымдастыруымен пәндік олимпиада өткізілді. Олимпиада мақсаты– Тілдік пәндерге деген қызығушылықтарын арттыру, гуманитарлық білімді насихаттау, дарынды оқушыларды қолдау. Пәндік олимпиадаға мемлекеттік және орыс тілдерінде оқитын жалпы білім беретін мектептердің, лицейлердің, қала және облыс гимназияларының 10-11 сынып оқушылары қатысты. Барлық қатысушылар саны 400-ге жуық.
Олимпиада қатысушыларының жетекшілеріне арналған арнайы семинар да ұйымдастырылды. Айта кету кере, «Қазақ тілі мен әдебиеті» кафедрасының ұйымдастырумыен өткен «Қазақ тілі мен әдебиеті пәндерінің білім мазмұнын меңгерту тәсілдері» тақырыбындағы семинар жоғары деңгейде өтті. Ғылым және жоғары білім министрінің кеңесшісі Руслан Емелбаев мырзамен кездесу де әсерлі өтті. Олимпиада жеңімпаздары дипломдармен, жетекшілері алғыс хаттармен марапатталды. Қатысушыларға арнайы сертификаттар табысталды.
