Шетелдегі отандастарды қолдау! Моңғолиядағы Қазақстандық білім күндері! Қозыбаев университеті Моңғолиядағы «Қазақстандық білім күндері» көрмесіне қатысты.«Отандастар қоры» ұйымдастырған шара Баян-Өлгий жеріндегі Өлгий қаласында өтті. Оған Қазақстанның 20-дан астам жоғары оқу орындары келді.
Екі күн бойы университет өкілдері 300-ге жуық жергілікті мектеп бітіруші түлектермен, ата-аналарымен кездесті. Оқушылар мен олардың ата-аналары еліміздің жоғары оқу орындарының білім беру бағдарламалары мен оқу мүмкіндіктерімен танысты. Бакалавриат, магистратура және қос диплом бағдарламалары мен шәкіртақы туралы кеңестер берілді.Биылғы оқу жылының санағы бойынша Баян-Өлгий қаласында 12 қазақ мектебі, соның ішінде мектеп бітіруші қандас түлектер саны 1762 құрайды. Көрме барысында Қозыбаев университетіне оқуға түсуге 70-ке жуық талапкер қызығушылық танытты.
Айтып өткен жөн, университетімізде білім алатын үміткерлер үшін барынша қажетті жағдай жасалған. Университет мамандары мәдени-психологиялық бейімделуге көмектеседі. Оқу ордамызға басқа елдерден түскен студенттер 100 пайыз баспанамен қамтамасыз етілген. Биыл барлығы 1356 орындық 2 заманауи Студенттер үйі ашылды. Олардың бірінде Моңғолиядан келген студенттер орналасқан. Жатақханалар жаңа жиһаздармен және құрал-жабдықтармен толық жабдықталған. Мұның барлығы балаларға жайлы ортада тұруға мүмкіндік береді!
