Сөздәйектер галереясы
Мектептің жаны – мұғалім. Мұғалім қандай болса, мектеп сондай болмақшы. Яғни, мұғалім білімді болса, ол мектептен балалар көбірек білім алып шықпақшы. Солай болған соң, ең әуелі мектепке керегі – білімді, педагогика, методикадан хабардар, жақсы оқыта білетін мұғалім.
Біз тазалық үшін!
Студенттік қалашықтан 3 тоннаға жуық қоқыс шығарылды. Қозыбаев университетінің ұжымы «Таза Қазақстан» республикалық экологиялық акциясы аясында жалпықалалық сенбілікке қатысты.Ғимараттар мен жатақханалардың айналасын тазалауға қызметкерлер, оқытушылар мен студенттер жұмылдырылды.
Сондай-ақ, 100-ге жуық білім алушы Е.Бөкетов көшесі бойындағы саябақтарды ретке келтірді. Онда 1 500 келі қоқыс жиналды. Алдағы уақытта да ЖОО қызметкерлері мен студенттер жұмылып, университетімізді таза әрі жайлы ету үшін сенбіліктер мен экологиялық акцияларды өткізуді жоспарлап отыр.
