Дүниежүзілік мұғалімдер күні елімізде қазан айының соңғы жексенбісі атап өтілуде. Оқу орнымызда бүгінгі таңда мыңнан аса оқытушымыз бар. Барлық ұстаздарды төл мерекелерімен құттықтап, жас ұрпақты тәрбиелеу жолында мол табыс тілейміз.
Университетімізде Халықаралық ұстаздар күні мен қарттар күнін бір күнде тойлау жақсы дәстүрге айналды. Бұл күні университетте көп жылдар еңбек еткен зейнеткерлер салтанатты мерекеге арнайы шақырылып, сый-құрметке бөленеді. Оқу орнымыздың әкімшілік шаруашылық істері жөніндегі проректоры Ағыбай Құшымбаев оқытушылар ұжымын мерекелерімен құттықтады.
Манаш Қозыбаев атындағы СҚМУ бүгіндері зерттеу институты болуға бағыт алған. Жоғары оқу орнында білім жүйесін жетілдіру жолында бірқатар алғабасушылық бар. Бұл оқытушылардың білімін жетілдіру, материалдық жағдайдың жақсаруы мен ғылымның қарқынды дамуы. Осы міндеттердің бәрі оқу орнында сәтті жүзеге асуда.
Бұл күні еңбек жолдарын ұстаздық жолға арнаған оқу орнының ардагерлері адал еңбегі мен жас ұрпақты тәрбиелеуде үлес қосқаны үшін Үлкен алтын медальдармен марапатталды. Сондай-ақ, университеттің бірқатар қызметкерлері халықаралық ұстаздар күніне орай адал еңбеңтері үшін ректордың грамоталарына ие болды. "Ұстаз бақыты - озып туған шәкірті" десе,еліміздің атын шығаратын талантты да білімді шәкірттеріңіз көбейе берсін, құрметті ұстаздар қауымы!
