Қозыбаев университеті «Study in Kazakhstan» атты ауқымды білім беру көрмесіне қатысты. Оны ҚР Ғылым және жоғары білім министрлігі 3-11 сәуір аралығында еліміздің үш қаласында: Ақтөбе, Атырау, Ақтау ұйымдастырды.
Батысқазақстандық талапкерлер Қазақстанның жетекші жоғары оқу орындарының және шетел университеттерінің филиалдарының өкілдерімен кездесіп, оқуға түсу, ҰБТ, гранттар, жатақханада тұру туралы толық ақпарат алды.Университетіміздің өкілдері Аризона университетімен қос дипломдық бағдарламалар туралы, тілдік сынақтарды тапсыру ережелерімен таныстырып, факультеттер туралы көрнекі материалдар ұсынды. Көрмеде сондай-ақ шеберлік сабақтар мен кәсіптік бағдар беру бойынша түрлі викториналар, соның ішінде шетелдік университет филиалдарының ерекшеліктері ескерілді.
