Оқу ордамызға Париж.қ Шығыс тілдері мен мәдениеттерінің ұлттық институтының INALCO өкілдері Сильвия Чассен мен Полин Михель келді.Білім мен ғылым саласындағы халықаралық ынтымақтастықты дамытуға бағытталған сапар аясында Франциядан келген қонақтар басшылық құраммен және студенттермен кездесті.
INALCO шығыс, африкалық, славян және азиялық тілдерді оқытуға, сондай-ақ, тиісті аймақтардың мәдениеттерін, қоғамдарын және өркениеттерін зерттеуге маманданған Франциядағы ең бірегей университеттердің бірі болып табылады. Қазір мұнда 9000-нан астам студент білім алады және 100-ге жуық тіл: қытай, араб, корей, жапон, вьетнам, түрік, иврит, орыс, парсы және т.б. оқытылады. Олардың ішінде қазақ тілі де бар. INALCO-ның 100-ден астам елдегі оқу орындарымен серіктестік келісімдері бар.
Басқарма Төрағасы-Ректор, оқу орданың жетістіктері мен стратегиялық басымдықтарына тоқталып, университеттің сындарлы өзара іс-қимылға, бірлескен жобаларға және тәжірибе алмасуға ашық екенін атап өтті: «Францияның жетекші университетінің өкілдерін қабылдау біз үшін үлкен мәртебе.Сапарыңыздың маңызы ерекше : университеттер арасындағы мәдени, білім және ғылым байланыстарын нығайтудағы маңызды қадам. Алғашқы байланыс пен болашақ ынтымақтастықты орнату үшін біздің университетті таңдағаныңызға қуаныштымыз.Солтүстік Қазақстанның бай мәдени тарихы бар. Болашақ бірлескен бағдарламалар, алмасулар мен тәжірибелер үшін тамаша негіз болатынына сенімдімін. Бұл танысу ұзақ мерзімді және жемісті ынтымақтастықтың бастауы болады деп үміттенемін».
Өз кезегінде INALCO орыс тілі кафедрасының халықаралық байланыстарға жауапты Сильвия Чассен ханым мен Полин Михель ханым өз университетінің қызметі туралы егжей-тегжейлі баяндап берді. Қонақтар өздерін ықыласпен жылы қабылдағаны үшін оқу ордамыздың басшылығына алғыстарын жеткізіп, алдағы уақытта да жемісті ынтымақтастыққа үміт білдірді.
Біздің студенттер мен магистранттар Шығыс тілдері мен мәдениеттерінің ұлттық институтында шетелдік студенттерге арналған бағдарламаларға түсуге мүмкіндіктері бар.
