Аптаны жақсы жаңалықтармен бастаймыз! Қазақстан Республикасы Ғылым және жоғары білім министрлігі Ғылым және жоғары білім беру сапасын қамтамасыз ету комитеті төрағасының бұйрығымен «Тіл және әдебиет» ғылыми бағыты бойынша қауымдастырылған профессор (доцент) ғылыми атағы Гүлмира Мұхамеджановаға берілді!
Гүлмира Тастемірқызы Қозыбаев университетінің «Қазақ тілі мен әдебиеті» кафедрасының меңгерушісі, PhD докторы. Ол жаңартылған білім беру мазмұнын іске асыру аясында мәнерлі сөйлеу құралдарын оқытудың ғылыми-әдістемелік негіздері саласындағы зерттеулермен айналысады. Бұл тақырыпты Қазақстан Республикасы Білім және ғылым министрлігінің 2021 жылы берілген гранты аясында зерттеп жатыр. Гүлмира Тастемірқызын құттықтаймыз! Сізге одан әрі кәсіби жетістіктер тілейміз!