Жақында президенттік көпсайыс бойынша Қазақстан чемпионаты өтті. Біздің СҚО құрамасы бірінші орынды иеленді! Команда құрамында тамаша өнер көрсеткен Қозыбаев университетінің спортшылары да бар! Олар жеңіс қоржынын 9 медальмен толықтырды: 3 алтын, 2 күміс және 4 қола.
Чемпионатта үздік нәтижені төртінші курс студенті Никита Изотов көрсетті. Ол 2021-2023 ж.ж жас аралығындағы топта және Абсолютті біріншілікте екі бірінші орынды алды! Осылайша, Никита жетінші рет Қазақстандағы ең мықты полиатлет атанды!Дәл осы жас тобында Данила Свиржевский өнер көрсетіп, күміс жеңіп алды. Сонымен қатар, Абсолютті біріншілікте екінші орынға ие болды!
Аркадий Есман қола жүлдегері атанып, спорт шебері нормативін орындады! Жеңіс тұғырынан үшінші орындарды Арсен Хамзин, Юлия Безушко және Ангелина Кудрявцева иеленді! Ал Юлия Крец төртінші орын алды. Барлық жеңімпаздарымыз Педагогикалық факультеттің дене шынықтыру мамандығының студенттері.Біздің спортшыларымыздың атақты жаттықтырушысы Александр Владимирович Наумов (40 жас және одан жоғары) ардагерлер арасындағы Абсолютті біріншілікте жеңіп, Қазақстанның 56 дүркін чемпионы атанды! Жеңістеріңізбен құттықтаймыз!
