ТЭҚФ деканы, тарих ғылымдарының кандидаты Зәуре Картованы құттықтаймыз! ҚР ҒЖБМ Ғылым және жоғары білім беру сапасын қамтамасыз ету комитеті төрағасының бұйрығымен «Тарих және археология» ғылыми бағыты бойынша қауымдастырылған профессор (доцент) ғылыми атағы берілді.
Зәуре Кеңесқызы– белгілі ғалым, «Құрмет» орденінің иегері. Ол деректану, Отандық тарихтың тарихнамасы, қазіргі заманғы Қазақстан тарихының өзекті мәселелерін зерделеу саласында қызмет жасайды. Зәуре Картова 5 монографияның, 3 ұжымдық ғылыми басылымның, 16 оқу құралының, 100-ге жуық ғылыми мақаланың авторы, сонымен қатар, халықаралық және республикалық ғылыми-тәжірибелік конференцияларға белсенді қатысады. ҚР БҒМ Ғылым комитетінің «Выявление (эвристика) и классификация ханских ярлыков и жалованных грамот золотоордынских и послезолотоордынских государств» тақырыбындағы гранттық жобасының ғылыми жетекшісі болды. Саяси қуғын-сүргін құрбандарын ақтау жөніндегі облыстық комиссияның жұмыс тобының жетекшісі. 2023-2025 жылдар аралығында «Текстологическое изучение и источниковедческий анализ нарративных документов правителей Казахского ханства периода XV-XVIII веков» және «История Северного Казахстана с древнейших времен до новейшего времени» тақырыптары бойынша гранттық зерттеу жүргізеді.
Зәуре Картованың ғылым мен білім саласында 40 жылдан астам тәжірибесі бар, оның 16 жылын университетіміздің ұжымына арнап келеді. Біз Зәуре Кеңесқызының жетістіктерін мақтан тұтамыз. Жаңа ғылыми асулар тілейміз!