Тамара Михайловна, 80 жылдығыңызбен құттықтаймыз!

Бүгін университетте білім беру ісінің үздігі, тарих ғылымдарының кандидаты, М.Қозыбаев ат. СҚУ еңбек ардагері Қанаева Тамара Михайловнаны 80 жылдық мерейтойымен құттықтады. Салтанатты шараға оның әріптестері мен шәкірттері жиналды.

Тамара Михайловна СҚО тумасы, оқу ордамыздың түлегі. Университетті тәмамдаған соң осында жұмыс істеуге қалды. 45 жылдан астам еңбек өтілі бар Тамара Қанаева, ассистенттен кафедра меңгерушісіне дейін көтерілді. Ғылыми кеңесінің ғылыми хатшысы, СҚМУ жанындағы лицей директоры болды. 90-шы жылдардағы реформалардың қиын кезеңінде Тамара Михайловна Тарих кафедрасының меңгерушісі ретінде, ұжымдағы жұмысты, оқу және ғылыми қызметті кәсіби ұйымдастыра білді. Ол кафедрада  ғылыми кадрларды дайындауды бастады.

Тамара Қанаева ғылыми-зерттеу қызметіне белсене араласып, Қазақстанның, СҚО және білім ордамыздың кеңестік кезеңінің тарихы бойынша бірқатар ғылыми еңбектерді жарыққа шығарды. ЖОО-да жұмыс істеген жылдары білікті мамандарды дайындады. Іс-шарада студенттер Тамара Михайловнаның жоғары кәсібилігін, мамандығына деген шынайы сүйіспеншілігін атап өтті. Мерейтой иесін Петропавл ардагерлер кеңесінің, Солтүстік Қазақстан мемлекеттік мұрағатының, ҚР Ұлттық Ұлан Академиясының, Ш. Уәлиханов ат. Тарих және этнология институтының өкілдері, (Алматы қ.), С. Сейфуллин ат. Қазақ агротехникалық университеті (Астана қ.), ТМД елдері институты, О. Табаков Мәскеу театры (РФ, Мәскеу қ.), AMANAT партиясы, университетіміздің түлектері құттықтауға келді.

Тамара Михайловнаға СҚО әкімінің құттықтау хаты жолданды. СҚО әкімі аппаратының басшысы, Руслан Әлішев өзінің ұстазына жылы лебізін білдірді. Университет ұжымы атынан Басқарма Төрағасы - Ректор Ербол Исақаев құттықтау сөзінде: «Тамара Михайловна нағыз үлгі тұтарлық тәлімгер. Ол өз кәсібіне адал жан. Сіздің бастамаларыңыздың арқасында университет берік зияткерлік негізге ие болды, ал өңірдегі тарихи білім жаңа деңгейге көтерілді. Тамара Михайловнаның тарих кафедрасын дамытуға, ғылыми мектепті қалыптастыруға, сондай-ақ, қоғамдық және ағартушылық қызметке  қосқан үлесі орасан зор»,-деді.

Кеш соңында Тамара Қанаева әріптестері мен оқушыларына жылы сөздері үшін алғысын білдірді. «Жастарға, ең алдымен, өз елінің, жоғары оқу орнының патриоты болуға шақырамын. Өмірлеріңізді өзіңіз таңдаған мамандыққа арнаңыз»,- деп атап өтті мерейтой иесі.
Тамара Қанаеваны мерейтойымен құттықтаймыз! Біздің университет үшін Тамара Михайловна-даналықтың, ғылыми адалдықтың және адамгершіліктің символы. Жанқиярлық еңбегі мен өз ісіне деген сүйіспеншілігі үшін алғыс айтамыз. Ғұмыр жасыңыз ұзақ болсын!