Тарихи оқиға- М.Қозыбаев атындағы Солтүстік Қазақстан университеті алғаш рет әлемдегі ең беделді жаһандық QS World University Rankings 2026 рейтингтердің біріне енді!
2004 жылдан бері Quacquarelli Symonds британдық аналитикалық компаниясы жариялаған QS World University Rankings жоғары білім сапасының жаһандық үлгісі болып табылады. Биыл рейтингке әлемнің түкпір-түкпірінен 8500-ге жуық университет ұсынылса, қорытынды тізімге тек 1501 университет енген. Қазақстанды 20 университет ұсынады, ал қазір олардың қатарында Қозыбаев университеті де бар!
Университет тарихта алғаш рет 1401+ тобында орын алып, QS жаһандық рейтингіне енді. Бұл жеңіс, көп жылғы еңбектің, стратегиялық дамудың және университеттің әлеуетіне деген сенімнің нәтижесі!
Неліктен бұл жетістік үлкен маңызға ие?
QS World University Rankings университеттерді көптеген негізгі көрсеткіштер бойынша бағалайды:
• академиялық және жұмыс берушінің беделі,
• оқытушы-студенттер қарым-қатынасы,
• ғылыми жарияланымның индексі,
• халықаралық ынтымақтастық пен серіктестік,
• студенттер мен оқытушылардың халықаралық құрамы,
• түлектерді жұмысқа орналастыру,
• БҰҰ Тұрақты даму мақсаттарына қол жеткізуге үлес қосу.
Осы салалардың барлығында Қозыбаев университеті сенімді өсіп, тұрақты дамып келеді.
Біз мына мүмкіндіктердің арқасында қол жеткіздік:
• АҚШ, Қытай, Еуропа және ТМД елдерінің жетекші университеттерімен халықаралық қатынастарды және стратегиялық серіктестікті қарқынды дамыту;
• университеттің жаһандық танылу деңгейін арттырған халықаралық форумдарға, ынтымақтастықтарға және ғылыми бастамаларға табысты қатысу;
• аймақтың академиялық, ғылыми және қоғамдық экожүйесін нығайту;
• академиялық ұтқырлықтың өсуі – біздің студенттер мен оқытушыларымыз шетелде оқып, тағылымдамадан өтеді;
• жоғары сапалы білім мен ғылыми зерттеулерді қамтамасыз ету бойынша мақсатты және жүйелі жұмыс.
2024 жылы университет аймақтық QS Asia 2025 рейтингінің үздік 50 қатарына енді, Орталық Азияда 32-орынға және қазақстандық университеттер арасында 22-орынға ие болды.
Келесі қадам: жаһандық мойындау!
Қозыбаев университеті бүгінде Солтүстік Қазақстандағы білім, инновация және көшбасшылықтың алаңы.
Біз сенімді түрде алға жылжып келеміз, ұлттық және халықаралық аренадағы өз позициямызды нығайтып, студенттерге, оқытушыларға және серіктестерге мүмкіндіктердің жаңа көкжиектерін ашамыз.
QS рейтингі жаңа кезеңінің бастау нүктесі. Қозыбаев университеті жоғары білім сапасы мен беделін дәлелдеді. Университеттің барлық студенттерін, оқытушыларын, түлектерін және серіктестерін осы тамаша жетістікпен құттықтаймыз!
Қозыбаев университеті: білімге жол ашып,болашаққа шабыт береді!