Қозыбаев университеті БАҚ қызметкерлері күні қарсаңында университеттің дамуына, студенттер мен оқытушылардың жетістіктері туралы іс-шараларды жариялауға зор үлес қосып жүрген республикалық және аймақтық БАҚ өкілдерін мерекелерімен құттықтады.Редакциялар мен журналистерге алғыс хаттар мен естелік сыйлықтар табыс етілді.
«Солтүстік Қазақстан облысының бұқаралық ақпарат құралдарында қызмет ететін журналистердің барлығы дерлік университетіміздің түлектері. Қозыбаев университеті өңірдегі бірден-бір көпсалалы жоғары оқу орны. Бүгінде университетіміз ілгері қадам басып, дамып келеді. Біз әрдайым сіздерден қолдау күтеміз », - деді Басқарма Төрағасы– Ректор Ербол Исақаев.
Журналистер одағының СҚО филиалымен бірлесіп университетте БАҚ өкілдеріне арналған музыкалық викторина өткізді. Қатысушылар командаларға бөлініп, танымал орындаушылардың әндерін табу арқылы, сұрақтарға жауап берді.Кейін журналистер университетте жақында ғана ашылған заманауи технологиялармен жабдықталған медиастудияның арнайы қабырғасына қол іздерін қалдырды. Қонақтар жаңа оқу-зертханалық корпустың 11-қабатынан кампус пен оған жақын аумақтарды тамашалады.
«Біз Қозыбаев университетін жақсы көреміз, күннен-күнге гүлденіп келеді. Соңғы жетістіктердің бірі- студенттерге арналған зәулім жатақхана салынды. Бұл ғимарат біздің қала үшін маңызды! Әрдайым осындай жетістіктерге жете беріңіздер!»,– дейді «Законопослушный гражданин» ақпараттық агенттігінің директоры Төлеген Иманов.
Құрметті БАҚ қызметкерлері, сіздерді кәсіби мерекелеріңізбен құттықтаймыз! Қоғамға шынайы ақпаратты жеткізіп, билік пен халық арасындағы қоғамдық пікірді қалыптастырасыздар. Сіздерге зор денсаулық, сарқылмас қуат, шығармашылық шабыт және жақсы жаңалықтар тілейміз! Еңбектеріңіз лайықты бағалансын!
