ҚР Экология және табиғи ресурстар министрлігінің қолдауымен KazWaste қалдықтарды басқару жөніндегі қазақстандық қауымдастығының ұйымдастыруымен «Green Energy & Waste Recycling» IX Еуразиялық бизнес-форумы аясында «3.2.1. Бастау!» жобасының 9-шы маусымдық финалы, «Жастар бірге – қалдықтар бөлек» пластикті жинау бойынша Қазақстан жастары мен университеттерінің ІІ форумы өтті.Бұл іс-шара Coca-Cola İçecek Kazakhstan компаниясының бастамасы өткізіліп отыр.
Шараға қазақстандық жоғары оқу орындарының студенттері қатысты. 9-шы маусым аясында белсенділер тұрғын аумақтарында пластик қалдықтарын жинап, ай сайын пластикті қайта өңдеуге жіберіп, жиналған көлемдердің есебін жүргізді. Осы жолы еліміздің 14 жоғары оқу орны қатысты. Нәтижесінде 35 тоннадан астам пластик қалдықтары жиналды.
Қозыбаев университетінің география және экология кафедрасының меңгерушісі Бану Доскенованың бастамасымен 2023 жылдан бастап кафедра ПЭТ бөтелкелерін жинап, сұрыптаумен айналысса, өткен жылдың қыркүйек айында «3.2.1. Бастау!» жобасына қосылды. Университеттен бұл жобаның кураторы және үйлестірушісі PhD докторы Әсел Бектемірова болды. Біздің университеттің серіктесі «Raduga KDR» компаниясына барлық пластик қалдықтары қайта өңдеуге жіберілді.
4 шілдеде қазылар алқасы «3.2.1. Бастау!» Жобасының 9 маусымының қорытындысын шығарып, Қозыбаев университеті жеңімпаз атанды! Бір жылдың ішінде біз 2 тоннадан астам пластик тапсырдық. Бізге пластикті қайта өңдеуге арналған құрал-жабдықтарды сатып алуға 5 миллион теңге және пластикті шұғыл жинауға 100 мың теңге көлемінде сертификаттар берілді.
«Біз бұл жоба арқылы жауапты мамандардың жаңа буынын тәрбиелейміз. Студенттер қоқысты қайта өңдеу бастамаларына әрдайым ынтамен қосылады», - деп атап өтті Әсел Бектемірова.Жеңімпаздарды құттықтаймыз! Белсенділер жарайсыңдар!
