Студенттер жатақханаға орналасып жатыр!

Биылғы жылы қала сыртында тұратын студенттер, әзірленген арнайы қосымша  арқылы қалаға келмей-ақ, онлайн түрде өтініш берді.
1200 орындық жаңа Студенттер үйіне біздің студенттер алғаш рет қоныстанады.  Жатақхананың ауданы шамамен 27 мың ш.м. құрайды. Бірегей архитектуралық құрылым бір-бірімен байланысқан 11 қабатты екі тұрғын үй бөлімінен тұрады. Онда барлық факультеттердің 1-2 курс білім алушылары (ішінара 3) орналастырылады.

Студенттер үшін жайлы жиһазбен жабдықталған бөлмелер, асханалар, тамақтану орындары, спорт залдары, коворкинг аймақтары және медициналық орталық бар. Бұл ғимараттың ашылуының арқасында университетте төсек-орын қоры артты.

Өткен оқу жылында Театральная көшесіндегі жаңа жатақханаға алғашқы тұрғындар қоныстанды. Енді мұнда шетелдік студенттер, Foundation факультетінің студенттері, магистранттар, докторанттар орналасатын болады. 25 пәтер шақыртылған профессорларға арналған. Сонымен қатар, жоғары курс студенттері №3 және №10 жатақхананың жайлы бөлмелеріне орналастырылған. Мұнда тұрғындарға да барлық жағдай жасалған.

Университеттегі жалпы төсек-орын саны 2704 құрайды. Орналастыру 1 қыркүйекке дейін жалғасады. Қосымша сұрақтар бойынша АХУАЛДЫҚ  ОРТАЛЫҚҚА хабарласыңыз: 8-707-040-19-37