Тарихи мұраны сақтайық

Қозыбаев университеті мен Қазақстан Республикасы Мәдениет министрлігі «Ботай» мемлекеттік тарихи-мәдени мұражай-қорығы РМҚК арасында ынтымақтастық туралы меморандумға қол қойылды.

Ынтымақтастық жобасының мақсаты:

- археология, тарих және мәдениет саласында бірлескен халықаралық зерттеулер жүргізу;

- тарих және мәдениет ескерткіштерін сақтау мен жаңғыртудың кешенді бағдарламаларын әзірлеу;

- көрме жобаларына қатысу;

- ғылым, техника, мәдениет және өнер мәселелері бойынша кеңестер ұйымдастыру, көрме қызметін жетілдіру;

- ғылыми басылымдарды дайындау және басып шығару;

- түрлі саладағы мұражай мамандарын кәсіби даярлауға және тағылымдамадан өтуге жағдай жасау.

Осы жазда профессор Анатолий Плешаков бастаған бір топ тарих факультетінің студенттері Ботай қонысында қазба жұмыстарын жүргізіп, профессор-оқытушылар құрамы Ботай мәдениетінің мұрасына арналған конференцияға қатысты. Бұл үлкен жұмыс алдағы уақытта да жалғасын табады.