Заманауи кофехананың ашылу салтанаты мен НЗМ-де солтүстікқазақстандық мектеп оқушыларымен қызықты кездесулер өтті. Америкалық әріптестер университет басшылығымен академиялық мәселелерді талқылады, студенттермен, оқытушылармен әңгімелесті. Олар Ғылыми кеңес отырысына және ғылыми семинарларға қатысты.
Қонақтар университет ғалымдарымен бірге инклюзивті білім беру және биотехнология мәселелерін талқылады. Цифрландыру және жасанды интеллект саласындағы бірлескен шешімдерді әзірлеу үшін қазіргі IT мамандары, Аризона университетінің профессорлары мен ИСТФ ғалымдары, сондай-ақ, Солтүстік Қазақстан цифрлық технологиялар басқармасының өкілдері мен студенттер жиналды. Талқыланған маңызды тақырыптардың бірі– университетіміздің базасында цифрлық даму саласындағы идеялар мен жобаларды жүзеге асыратын жасанды интеллект орталығын құру болып табылады.
«Бүгінде Қазақстан жаңа цифрлық дәуірге қадам басты. Мемлекет басшысы Қасым-Жомарт Тоқаев Қазақстан халқына жыл сайынғы Жолдауында Қазақстанды үш жыл ішінде толыққанды цифрлық елге айналдыру туралы нақты және стратегиялық маңызды міндет қойды. Кең ауқымды цифрландыру мен жасанды интеллект технологиясын белсенді енгізу негізінде цифрлық технологияны жаңғырту қажет. Біз аймақтағы жалғыз университет ретінде жергілікті деңгейде цифрлық күн тәртібін қалыптастыру жауапкершілігін сезінеміз»,- деп атап өтті Басқарма Төрағасы– Ректор Ербол Исақаев.
Сондай-ақ, делегация жергілікті БАҚ бағдарламаларына және қос дипломдық бағдарламаларға үміткерлерді тарту мақсатында кәсіптік бағдар беру науқанына қатысты.
«Біздің бағдарламаларымызда оқитын студенттер үлкен практикалық тәжірибе жинайды. Бұл оларға жаһандық нарықта өркендеуге көмектесетін дағдылар жиынтығын береді»,- деді Ақпараттық ғылымдары колледжінің жаһандық және халықаралық бағдарламалар менеджері Кевин Картон.
Бүгінгі таңда Аризона университетімен биотехнология, инклюзивті білім беру және IT салалары бойынша 5 қос дипломдық бағдарлама жүзеге асырылады. Келесі жылы бизнес және медицина бағдарламаларын ашу жоспарланған. Аризонадағы серіктестерімізге сәттілік тілейміз! Біз одан әрі жемісті ынтымақтастыққа үміттенеміз!
