Қазақстан Республикасы Ғылым және жоғары білім министрлігі Ғылым және жоғары білім саласындағы сапаны қамтамасыз ету комитеті төрағасының бұйрығымен «Компьютерлік ғылымдар және информатика» ғылыми бағыты бойынша қауымдастырылған профессор (доцент) ғылыми атағын Қайнижамал Икласова мен Ильдар Құрмашев алды. Қайнижамал Икласова-PhD докторы, инженерлік және сандық технологиялар факультетін басқарады.
Қайнижамал Есімсейітқызының академиялық қызметі оқытудың жоғары деңгейімен ерекшеленеді. Ол инновациялық технологияларды белсенді қолданатын 5 оқу және оқу-әдістемелік құралдардың авторы. Сонымен қатар, ғылыми зерттеулермен белсенді айналысады және студенттерді ғылыми-зерттеу жұмыстарына тартады, монографияның, авторлық куәліктердің, 30-дан астам ғылыми мақалалардың авторы, ғылыми грантты басқарды, Erasmus+ K2 жобасына қатысты, Хирш индексі 3.
Ильдар Гусманович «Ақпараттық-коммуникациялық технологиялар» кафедрасының меңгерушісі, техника ғылымдарының кандидаты. Ол «Компьютерлік математикалық жүйелер», «Оңтайландыру әдістері», «Криптография», «Графтар теориясы»,«Нейрокомпьютерлік жүйелер» және т.б. оқу пәндерін әзірледі. 4 оқу-әдістемелік құрал және 1 монография жарық көрді. Ғылыми қызмет нәтижелері бойынша 30-дан астам ғылыми жұмыстар жарияланды, оның ішінде Thomson Reuters және Scopus дерекқорына кіретін мақалалар, Хирш индексі 1.
Ильдар Құрмашев гранттық жобалардың жетекшісі және жетекші ғылыми қызметкер. 2023 жылы ғылыми жетекші ретінде «Data Fusion жүйесіне біріктірілген оптикалық-электрондық арна арқылы ҰҰА-ны танудың нейрондық желілік моделін әзірлеу» өзекті тақырыбы бойынша 2023-2025 жылдарға арналған ҚР ҒЖБМ гранттық қаржыландыру алды.
Әріптестерімізді құттықтаймыз!
