«Саналы ұрпақ» ерікті студенттік клубтарының облыстық слёті

Студенттік «Саналы ұрпақ» клубтары Қазақстан Республикасының оқу орындарында сыбайлас жемқорлық көріністері мен этикалық нормаларды бұзушылықтарға нөлдік төзімділік атмосферасын қалыптастыру, патриотизмді тәрбиелеу, академиялық адалдық пен ашықтық қағидаттарын ілгерілету, жастардың белсенді азаматтық ұстанымын нығайту мақсатында құрылған.

Слет барысында студенттер университет қабырғасында командаларға бірігіп, сыбайлас жемқорлыққа қарсы мәдениет саласындағы өз білімдерін тексерді.
Іс-шара 3 раундтан тұрды, онда қатысушылар өздерінің зерттеу және волонтерлік жобаларын ұсынып, Академиялық адалдық антын әзірледі.

Байқауға қатысушыларды білікті қазылар алқасы бағалады, оның құрамына:
Руслан Асаубаев – СҚО «Бірінші антикоррупциялық медиаорталық» РҚБ филиалының жетекшісі;
Махаббат Еркенова – «Оқушылар сарайы» МКҚК әдіскері;
Ерлан Әбілкәрімов – №1 қалалық емхананың сыбайлас жемқорлыққа қарсы комплаенс маманы кірді.

Нәтижесінде жеңімпаз атанған – біздің университет студенттерінің командасы! Екінші орынды Байкен Әшімов атындағы Петропавл машина жасау және көлік колледжінің студенттері, ал үшінші орынды Мағжан Жұмабаев атындағы Жоғары колледждің белсенділері иеленді.

Облыстық ерікті студенттік «Саналы ұрпақ» клубтарының слетіне қатысушылар мен жүлдегерлерді құттықтаймыз!