ҚОЗЫБАЕВ УНИВЕРСИТЕТІ ВИЦЕ-МИНИСТРГЕ НЕГІЗГІ ХАЛЫҚАРАЛЫҚ ЖӘНЕ ҒЫЛЫМИ ЖОБАЛАРДЫ ҰСЫНДЫ

Қазақстан Республикасының Ғылым және жоғары білім вице-министрі Гүлзат Көбенованың Қозыбаев университетіне сапары барысында «Серпін» бағдарламасының студенттерімен, сондай-ақ, Аризона университетімен қос диплом бағдарламалары бойынша оқитын білім алушылармен және Қытайдан Қозыбаев университетіне академиялық ұтқырлық бойынша келген шетелдік студенттермен кездесу өтті.

Семестр бойы 29 қытайлық студент Агротехнологиялық факультетте білім алып, СҚО ауыл шаруашылығы кәсіпорындарында тәжірибелік дағдыларын меңгерді. Бұл мүмкіндікке Қозыбаев университеті, ҚХР солтүстік-батыс ауыл және орман шаруашылығы университетімен тығыз ынтымақтастығының арқасында жетті. Серіктестік осымен 8 жыл бойы жүзеге асырылып келеді.

«Биылғы оқу жылында Қозыбаев университетінің алғашқы бірлескен білім беру бағдарламаларының түлектері оқуларын аяқтайды. Жоба одан әрі ауқымды болады деп үміттенемін. Басқа бағыттардағы серіктестік те өркендеп жатыр. Қытайлық серіктестермен ынтымақтастықты та ілгерілеп келеді. Осы алты айда ҚХР студенттері құнды тәжірибе алды. Олардың арасында Қазақстан үлкен қызығушылық тудырды», - деп атап өтті Гүлзат Көбенова.

Сондай-ақ, осы күні ол университеттің инфрақұрылымымен, заманауи зертханалық кешенмен және ғалымдардың зерттеу жобаларымен танысты. Бүгінгі таңда ЖОО-да 20 ғылыми жоба жүзеге асырылады. Оның ішінде Аризона университетімен бірлескен еліміз үшін маңызды бағыттар бойынша: күкіртті полимерлеу, фермерлерді жоғары сапалы отандық тұқымдармен (бидай және күріш) қамтамасыз ету, сондай-ақ биологиялық түрлерді сақтау (Грейг қызғалдағы, Каспий итбалығы) және Ұлттық қазыналардың геномикасы. Қытайдың солтүстік-батыс ауыл және орман шаруашылығы университетімен бірлесіп мал шаруашылығы, ауылшаруашылық жануарларының геномдық селекциясы, суды тазарту және суару жобалары жүргізіледі. Осы ғылыми ізденістердің барлығы СҚО ауыл шаруашылығы тауар өндірушілерімен серіктестікте іске асырылады. Олар азық-түлік қауіпсіздігі мен су ресурстарын қамтамасыз ету саласындағы өңірдің өзекті мәселелерін шешуге бағытталған.

Жалпы Қозыбаев университетінде облыстың аграрлық және техникалық кәсіпорындарымен тығыз серіктестік құрылған. Бірлескен ғылыми ізденістерден басқа, өңір үшін кадрларды даярлау, дуальды оқыту бағдарламасы жұмыс істейді, индустриялық докторантура іске қосылды, СҚО-ның барлық ірі зауыттарымен, компанияларымен және ұйымдарымен меморандумдар жасалды. Осы орайда Гүлзат Көбенова университеттегі бос жұмыс орындар жәрмеңкесіне қатысты. Оған 500-ге жуық студент пен 34 жұмыс беруші жиналды. Үйлесімді жұмыстың арқасында ЖОО түлектерді жұмысқа орналастырудың жоғары деңгейіне қол жеткізді. Бүгінде бұл көрсеткіш 81% құрайды.

Кездесудің келесі бөлімінде вице-министрдің Түркия, Италия және Польшадан келген шетелдік профессорлармен, сондай-ақ Солтүстік Қазақстан облысының зиялы қауыммен кездесуі өтті.