AI-SOLUTIONS: ЖАСАНДЫ ИНТЕЛЛЕКТ ЖӘНЕ АЙМАҚТЫҚ ЭКОЖҮЙЕЛЕРДІ ДАМЫТУ

Қозыбаев алаңында жасанды интеллект пен аймақтық экожүйелерді дамытудың өзекті тақырыбын талқылау үшін ірі кәсіпорындардың басшыларымен іскерлік кездесу өтті.

Шақырылған қонақтар тізімінде үкімет, бизнес, ғылым және IT қауымдастығы өкілдері бар. Бұл кездесу форматы идеялармен алмасуға, ғылыми және технологиялық шешімдерді қажет ететін мәселелер бойынша тікелей байланыс орнатуға мүмкіндік береді.

Мемлекет басшысы заманауи жаһандық қажеттіліктерді қанағаттандыратын технологияларды жасауға қабілетті отандық инженерлердің, зерттеушілердің және кәсіпкерлердің жаңа буынын даярлауды маңызды міндет деп белгіледі.

«Биылғы оқу жылында шамамен 160 адам IT мамандығы бойынша оқуларын аяқтайды. Олардың 20-сы қос дипломды бағдарламалар бойынша оқып жатыр. Қазіргі уақытта Аризонада білім алады. Сонымен қатар, біз студенттерімізді кәсіпорындарға дуальды оқыту негізінде бағыттаймыз. Осылайша бірнеше мәселе өз шешімін табады: тәжірибеге бағытталған оқыту, болашақта жұмыспен қамту, студенттерге жалақы беру және ұйымдарда зерттеу жобаларын дайындау », -деді Басқарма Төрағасы-Ректор Ербол Исақаев

Университет дипломдық жобаларының бағытын, жасанды интеллект пайдалануға және аймақтық қажеттіліктерді қанағаттандыруға қайта бағыттады. Мәселен, Raduga KDR-мен бірлесіп жүзеге асырылып жатқан жоба- машиналық оқытуды қолдана отырып, өндірістік деректерге негізделген өнім ақауларын автоматты түрде анықтауды әзірлеу болып табылады. Бұл жоба студенттерге талдау және автоматтандыру қабілеттерін көрсетуге мүмкіндік береді. Бүгінде өңіріміз үшін зияткерлік орталық ретінде Қозыбаев университеті, AI-Sana бағдарламасын енгізу және жергілікті жасанды интеллект AI-экожүйесін қалыптастырудың негізіне айналады.

«Біздің білім ордамыз елімізде алғашқы болып Huawei, Astana Hub және Coursera платформаларындағы жасанды интеллект курстарын 100% аяқтап, барлық студенттеріміз ЖИ негізгі дағдыларын меңгерген», - деп атап өтті ЖИ және ЦТ орталығы директорының м.а Гүлнара Ким.

AI-Sana бағдарламасының аясында университет білім беру, экономика және әлеуметтік салаларды дамыту үшін ЖИ агенттерін әзірледі:

- Қаржы ұйымдарындағы алаяқтықты анықтауға арналған бағалау моделі (менеджер жұмысын оңтайландыру);

- CheckDoc – онлайн дәрігер, пациенттерді қолдау және алдын ала диагностикалау агенті;

- Сыбайлас жемқорлыққа қарсы бот – сыбайлас жемқорлыққа қатысты сұрақтарға жауап беретін сәйкестік функцияларын орындайды;

- Қоғамдық көлік бағыттарын оңтайландыруға арналған жасанды интеллект агенті;

- «УниЭксперт»– университеттің нормативтік құжаттарымен жұмыс істеу және құжаттарына жылдам қол жеткізуді қамтамасыз ету агенті.

Қозыбаев университетінің ЖИ және ЦТ орталығы базасында университет, колледж және орта мектеп оқушыларына веб-бағдарламалау және нейрондық желіні интеграциялау дағдыларын үйретуге арналған KU ML SCHOOL бағдарламасы іске қосылады. Бұл практикалық, офлайн оқыту бағдарламасы арнайы интеллектуалды қосымшаны жасауға мүмкіндік береді.

Іс-шарада студент-әзірлеушілер де өз өнімдерін ұсынды. Никон Веремейчик пен Рүстем Иманғазин ЖИ AntiFrod агенті туралы таныстырды. Ал Даниал Абуов университетте сәтті енгізілген MyNKU қосымшасына сипаттама берді.

Қалалық тұрғын үй инспекциясы бөлімінің жетекшісі Аслан Ильясов цифрлық платформа құру бойынша бірлескен жобаны жариялады:

«Петропавл қаласы, кез келген заманауи қала сияқты, көп пәтерлі тұрғын үйлерді басқару процестерін оңтайландыруды қажет етеді. Қазіргі уақытта тұрғындар, МИБ төрағалары және жергілікті билік өкілдері арасындағы ақпарат алмасу көбінесе жүйесіз өтеді. Нәтижесінде тұрғын үй қызметтерінің сапасын төмендетеді. Сондықтан біз бұл процесті түбегейлі жеңілдетуге арналған мобильді қосымшаны жасауды бастадық. Біз бұл жобаны тек даму ғана емес, азаматтардың өмірін жақсартуға және инспекциямыздың тиімділігін арттыруға қосқан үлес ретінде қарастырамыз».

Бизнес өкілдері өз компанияларының техникалық IT қажеттіліктерімен бөлісті. Іскерлік кездесуде кәсіпкерлердің ұсыныс-тілегі тыңдалды. Біздің студенттеріміз үшін бұл құнды оқу тәжірибесі болмақ. Аймақтық экожүйелерді дамыту- ғылым, бизнес және мемлекеттік басқару арқылы жүзеге асырылады. Сондықтан өңір үшін бұл дамудың жаңа бағытын көрсетеді.