Осы аптада М.Қозыбаев атындағы СҚМУ ғалымдардың қатысуымен аймақтық семинар – кеңес өтті. Ғылыми жиын «Қазақстан-2050»: Стратегиясы - қалыптасқан мемлекеттің жаңа саяси бағыты» Жолдауының аясында өтті. Оқу орны ғалымдары 2013-2015 жылдары зерттеу жұмыстарының жаңа тақырыптық жоспар есебі мен зерттеу тақырыптарының белсендіруі бойынша пікір алмасты.
«Тарих және әлеуметтік-гуманитарлық пәндер» кафедрасының аға оқытушысы Максим Доценко аймақаралық толеранттылық және конфессияаралық келісім жөнінде сөз қозғады. 18 қазан рухани келісім күні өткен отырыста бұл тақырып аса өзекті деп танылды. Ғалымдар діни экстремизм, жастарды осындай қауіпті қатерге душар болудың алдын алу жолдарын талқыға салды.
Жиында көтерілген тағы бір өзекті мәселе – жемқорлықпен күрес. «Құқықтық пәндер» кафедрасының меңгерушісі Наталья Баранова қоғамымыздағы осы кеселмен күресудің әлемдік тәжірибесін қолдануын ұсынды. Отырыста университеттің әрбір факультет оқытушылары Елбасы Жолдауы аясында атқарылып жатқан жұмыстар жайында баяндады.