«Абайдың Қара Сөздері» атты дөңгелек үстел «Шет тілдері» кафедрасында өткізілді

2025 жылдың 27 қарашасында «Шет тілдері» кафедрасында «Абайдың Қара Сөздері» / «Слова назидания Абая» атты дөңгелек үстел өтті. Шара 4-оқу корпусындағы КЯЛ-25к-1-2 топтарының студенттерінің қатысуымен ұйымдастырылды.

Дөңгелек үстелді аға оқытушылар ИсмагамбетоваЛейла Шокатовна мен Саутбаева Айгүл Қадырбековна өткізді.

Іс-шараның мақсаты — Абай шығармашылығы арқылы қазақ мәдениеті мен тілін насихаттау, студенттер бойында патриоттық сезім мен ұлттық құндылықтарға құрметті қалыптастыру, сондай-ақ шығармашылық қабілеттерін дамыту.

Кездесуді Қаратаева Карлыгаш пен Кенес Аина ашып, Абайдың өмір жолы мен «Қара Сөздерінің» маңызы туралы баяндады. Олар бұл шығармалардың бүгінгі жастар тәрбиесінде де өзекті екенін атап өтті. Презентация ақынның өмірі, шығармашылығы және оның өлеңдеріне жазылған әуендермен толықтырылды.

Шараның ерекше сәттерінің бірі — Омарова Айгеримнің домбырада орындаған «Кеңес» күйі болды. Бұл өнер көрсетілім дөңгелек үстелге ұлттық реңк пен ерекше эмоциялық әсер қосты.

Абайдың қара сөздері қазақ және ағылшын тілдерінде Қаратаева Карлыгаш, Кенес Аина, Наурызбаева Алина және Екпін Анар тарапынан оқылды. Орыс тіліндегі бөлігін Баязит Сабина орындады.

Іс-шара соңында барлық қатысушылар Абайдың әйгілі «Көзімнің қарасы» әнін орындап, кездесуді жылы әрі шынайы атмосферамен аяқтады.

Бұл дөңгелек үстел студенттердің мәдени танымын кеңейтіп, Абай мұрасына деген қызығушылығын арттырған маңызды шара болды.