20.12.2012 Оқу орнымызда ақын, журналист, ардақты азамат Мүтәллап Қанғожиннің 75 жылдық мерейтойына орай «Қызылжардан есен леп» атты әдеби-сазды кеш ұйымдастырылды. Мүтәллап аға облыс жұртшылығына журналист, ақиық ақын, өңіріміздің құрметті азаматы ретінде таныс. Мерейтой иесін құттықтауға әріптестері, замандастары, достары, ТЖӘИ ұжымы мен студенттері жиылды.
Мүтәллап Мұхамадиұлы 1937 жылы Солтүстік Қазақстан облысының бұрынғы Ленин ауданындағы Қарағаш ауылында туған. Қатардағы тілші қызметінен жоғары лауазымдарға дейін көтерілген.Мүтәллап аға КСРО теледидар және радио ісінің үздігі, Қазақстан Жазушылар одағының мүшесі, ҚРның еңбек сіңірген мәдениет қызметкері, әрі «Үздік еңбегі үшін», «Еңбек ардагері» медальдарының иегері.
СҚМУ ректоры Оңдасын Әшімов Мүталлап Қанғожинді мерейтойымен құттықтап, оқу орнымыздың құрметті профессоры атағын беріп, мантия кигізді.
Ақынның «Ақ қайыңдар аралы», «Қызылжар», «Жыр керуен», «Абылдайдың ақ үйі» және т.б. өлең жинақтары жарыққа шықты. Оның шығармалары жылылығымен, ойлылығымен ерекшеленеді, еңбектерінде азаматтық үн байқалады. Сондай-ақ ТЖӘИ студенті Айтолқын Мінайдарова мерейтой иесіне жыр шумақтарын арнады.
Бұл күні ақынның достары, әріптестері өз жылы лебіздерін аямады. Сонымен қатар мерейтой иесіне облыстық тілдерді дамыту басқармасы мен институт атынан сыйлықтар табыс етілді. Мерекелік шара студенттердің дайындаған ән шашумен жалғасты.