Зауре Картованың кәсіби жолының жаңа кезеңі

12 жылдан астам уақыт бойы  университетіміздің Тарих, экономика және құқық факультетін тарих ғылымдарының кандидаты, доцент Картова Зауре Кеңесқызы басқарды. Бүгін университет ұжымы Зауре Кеңесқызының Қарағанды қаласындағы жаңа қызметтік лауазымға өтуіне орай, салтанатты түрде шығарып салу кешін өткізді. Жиынға ЖОО-ның басшылығы мен ПОҚ, сондай-ақ ТЭҚ факультетімен ұзақ жылдар бойы ынтымақтастық құрған СҚО ұйымдарының әріптестері қатысты.

Зауре Кеңесқызы 2008 жылдан бастап Солтүстік Қазақстан университетінде жұмыс істеді, ал 2014 жылдан бастап ТЭҚФ басқарды. Ол 5 монография, 3 ұжымдық ғылыми басылым, 16 оқу-әдістемелік құрал, 100-ге жуық ғылыми мақаланың авторы. Оның ішінде ғалымдар ұжымы құрамында, сондай-ақ ҚР Ғылым және жоғары білім министрлігі Ғылым комитетінің Қазақстан тарихы және тарихи құжаттардың деректанулық талдауы, ежелгі заманнан қазіргі уақытқа дейінгі Солтүстік Қазақстан тарихы бойынша гранттық жобаларын басқара отырып, орасан зор ғылыми әлеуетін іске асырды. СҚО саяси қуғын-сүргін құрбандарын оңалту жөніндегі Өңірлік комиссияның жұмыс тобын басқарды.

Басқарма Төрағасы-Ректор Ербол Исақаев Зауре Картоваға ЖОО-ның профессорлық-оқытушылық құрамын дамытқаны,жас мамандарды қолдағаны үшін алғыс айтып, СҚО әкімі мен университеттің алғыс хаттарын табыс етті.

«Біз үшін жоғары оқу орнының басшылық құрамындағы нәзік жандардың үлесі маңызды көрсеткіш болып табылады. Сіз білім беру тобын, яғни факультетті басқару жолында ұжымдық жұмыста қамқорлық танытып, талапшыл бола білдіңіз. Сіздің есіміңіз өңірімізде өте беделді тарихшы ретінде, Қызыл-Оба, археологиялық қазба сыңды ірі жобалармен байланысты»,- деді ректор Ербол Исақаев.

Барлық әріптестер, дос-жарандар мен университеттің ПО құрамы ізгі тілектерін жолдап, құшақ-құшақ гүлдерін сыйлады. Зауре Кеңесқызына университетіміздегі жұмысы үшін алғыс айтамыз! Жаңа қызметіңізде сәттілік тілейміз!