«Қазіргі заманғы педагогикалық білім беруді дамытудың өзекті үрдістері» тақырыбында Халықаралық ғылыми-практикалық конференция

2026 жылғы 27 ақпанда Манаш Қозыбаев атындағы Солтүстік Қазақстан университетінің Педагогикалық факультеті «ҚАЗІРГІ ЗАМАНҒЫ ПЕДАГОГИКАЛЫҚ БІЛІМ БЕРУДІ ДАМЫТУДЫҢ ӨЗЕКТІ ҮРДІСТЕРІ»  тақырыбында Халықаралық ғылыми-практикалық конференция өткізеді.

Конференцияға білім беру саласындағы жетекші ғалымдар мен мамандар, жоғары оқу орындары мен колледждердің оқытушылары, докторанттар, магистранттар, студенттер, мектепке дейінгі, бастауыш, орта және жоғары білім беру ұйымдарының педагог қызметкерлері, сондай-ақ әдіскерлер, психологтар, мұғалімдер, тәрбиешілер, жаттықтырушылар және қоғамдық ұйымдардың өкілдері қатысуға шақырылады.

Конференцияның негізгі бағыттары:

1. Психологиялық-педагогикалық білім берудің өзекті мәселелері.
2. Бастауыш, мектепке дейінгі және арнайы білім беруді дамытудың заманауи тенденциялары.
3. Музыкалық білім беру жүйесіндегі дәстүрлер мен инновациялар және мәдени-ағартушылық орта.
4. Дене шынықтыру, спорт және бастапқы әскери және технологиялық дайындық (БӘТД) саласындағы инновациялық технологиялар.

Конференцияның жұмыс тілдері: қазақ, орыс, ағылшын.

Қатысу форматы: офлайн және онлайн (қатысып/қатыспай).

Өтетін орны: Қазақстан Республикасы, Солтүстік Қазақстан облысы, Петропавл қаласы, Пушкин көшесі, 86, Манаш Қозыбаев атындағы Солтүстік Қазақстан университеті.

Барлық қызығушылық танытқан тұлғаларды конференция жұмысына қатысуға шақырамыз.

Ақпараттық хат