Сөздәйектер галереясы
Басқаларды үйрете жүріп біз өзіміз үйренеміз.
Сенека
«Зерновой Консорциум Казахстана» ЖШС басшылығымен кездесу
Кozybayev University-дің Агротехнологиялық факультетінде Қазақстан Республикасындағы көлемі бойынша екінші агрохолдинг болып саналатын «Зерновой Консорциум Казахстана» ЖШС басшылығымен кездесу өтті.
Делегация құрамында: өндіріс жөніндегі бас директордың орынбасары Томас Доренвендт, қызметкерлер жөніндегі бас директордың орынбасары Мария Белова, мал шаруашылығы жөніндегі директор Анатолий Брониславович Рафальский, шаруашылық бойынша қызметкерлер менеджері Жанар Абеева, қызметкерлерді іріктеу менеджері Лейла Алишпаева болды.
Компания Солтүстік Қазақстан және Ақмола облыстарында шамамен 350 мың гектар жерді өңдейді, дәнді, бұршақ және майлы дақылдардың әртараптандырылған ауыспалы егісін дамытып, орташа өнімділігі 20 ц/га, ал бидай бойынша — 25 ц/га көрсеткішіне қол жеткізуде. Құрамына жалпы сыйымдылығы 750 мың тоннаны құрайтын 6 элеватор және 2 диірмен, сондай-ақ сүтті, етті және асыл тұқымды мал шаруашылығы бағыттары кіреді. Өндіріс жетекші әлемдік брендтердің заманауи техникасымен жабдықталған және цифрлық технологияларды белсенді енгізуде.
Агротехнологиялық факультетте 675 білім алушы оқиды және 6 бакалавриат, 2 магистратура білім беру бағдарламалары бойынша мамандар даярланады.
Мұндай кездесулердің мақсаты — «білім беру – өндіріс» өзара іс-қимылының тұрақты моделін қалыптастыру, білім беру бағдарламаларын саланың өзекті талаптарымен үйлестіру, студенттердің ерте кәсіби бағдарлануын қамтамасыз ету және өңірлік агроөнеркәсіптік кешенді білікті кадрлармен қамтамасыз ету.
Кездесу барысында дуалды оқытуды енгізу тетіктері, тәжірибе және тағылымдама базаларын кеңейту, сондай-ақ агрохимиялық, топырақтық, жем-шөптік зерттеулер мен өнім сапасын талдау бағытындағы зертханалық ынтымақтастықты дамыту мәселелері талқыланды. Алдағы уақытта серіктестік туралы ресми келісім әзірлеу, дуалды оқытудың пилоттық бағыттарын айқындау және бірлескен қолданбалы жобаларды іске қосу жоспарлануда.
Бұл кездесу тәжірибелік-бағдарланған мамандар даярлауға және өңірдің агроөнеркәсіптік кешенінің технологиялық деңгейін арттыруға бағытталған жүйелі, әрі ұзақ мерзімді ынтымақтастыққа жасалған маңызды қадам болды. 
Кафедра ажош
19.02.2026