Ислам Евлоев Азия чемпионатында «қола» жеңіп алды

Қозыбаев университетінің студенті Ислам Евлоев Бішкекте өткен грек-рим күресінен Азия чемпионатында 97 келіге дейінгі салмақта қола медаль жеңіп алды!

Бұл-Исламның ересектер арасындағы Азия чемпионатындағы алғашқы медалі. Ширек финалда ол жапондық қарсыласын 8:0 есебімен сенімді түрде жеңіп, жоғары жылдамдық пен тамаша тактикалық шеберлігін көрсетті. Жартылай финалда ирандық балуан Мохаммадхади Саравимен жекпе-жек өте тартысты өтті.

Қола медаль үшін өткен белдесуде Солтүстік Қазақстандық балуан  Оңтүстік Корея спортшысын 9:0 есебімен айқын басымдықпен жеңді.

Ислам Евлоев- бұған дейін жастар арасында әлем чемпионы атанып, халықаралық турнирлердің жүлдегері болған. Атап айтқанда, 2026 жылы Хорватияда өткен беделді «Zagreb Open» рейтингтік турнирінде күміс жүлдегер атанды, сондай-ақ 2005 жылы Эр-Риядта өткен VI Ислам ынтымақтастығы ойындарында екінші орын иеленді.

Студентімізді осы үлкен жетістігімен шын жүректен құттықтаймыз! Алдағы жарыстарда толағай табыс, мықты денсаулық және жарқын жеңістер тілейміз!