Сөздәйектер галереясы
Тәрбие - адам тағдырын шешетін ұлы іс.
В.Г.Белинский
Галина Савостина- қауымдастырылған профессор
Қазақстан Республикасы Ғылым және жоғары білім министрлігінің Ғылым және жоғары білім беру саласындағы сапаны қамтамасыз ету комитеті төрағасының бұйрығымен Галина Савостинаға «Электротехника, электроника, ақпараттық технологиялар» бағыты бойынша қауымдастырылған профессор (доцент) ғылыми атағы берілді.
Галина Владимировна – жоғары оқу орнымыздың Инженерия және сандық технологиялар факультетінің «Энергетика және радиоэлектроника» кафедрасының доценті, PhD докторы. Сондай-ақ, Huawei ICT Academy сертификатталған нұсқаушысы және 2025 жылы осы жоба бойынша «Жыл нұсқаушысы» деп танылды.
Ол ғылыми зерттеулерді белсенді жүргізеді: шамамен 36-ға жуық мақаланың авторы, оның 5-і Scopus және Web of Science дерекқорларымен индекстелген басылымдарда жарияланған. Пайдалы модельге авторлық куәлігі бар, бірқатар оқу құралдарының авторы. Академиялық көшбасшылықты дамыту бағдарламаларын қоса алғанда, гранттық бастамаларды іске асыруға қатысты.
Қызметінде білім алушылардың цифрлық құзыреттіліктерін дамытуға және AI-sana бастамасын қоса алғанда, заманауи білім беру технологияларын енгізуге ерекше назар аударады.
Галина Владимировнаны Құттықтаймыз! Жарқын ғылыми жаңалықтарыңыз бен дарынды студенттер қатары арта берсін! Кәсіби биіктерге жете беріңіз!
15.04.2026