Желтоқсанның 25-і мен 30-ы аралығында Үндістанда кикбоксингтан өткен Азия чемпионатынан жерлестеріміз олжалы оралды. Олардың бірі - оқу орнымыздың студенті Рауан Смағұлов. Жеңімпазды жақындары, университет ұжымы мен студенттері саяжайдан қарсы алды.
Үндістанның Пуна шаһарында өткен байрақты додада 19 мемлекеттен 400 спортшы өз бақтарын сынады. Қазақстан құрамасы командалық есепте бірінші орынды еншіледі, еліміздің қоржынына 15 алтын, 2 күміс, 4 қола медальдары түсті. Құрама сапында 3 бірдей жерлесіміз болды, олар жеңіс тұғырынан көрініп, алтыннан алқа тақты. Рауан кикбоксингтың лоу-контакт түріне мамандырылып жатыр. Рауан қазіргі таңда университетіміздің дене тәрбиесі мамандығының төртінші курс студенті, болашағын спортпен байланыстырғысы келеді. Осы жолда талай жеңістерге жететініне сенім мол. Рауанға бұдан биік белестерді бағындыруға тілектеспіз.