25.11.2013 күні оқу орнымызда Қазақстан мұсылмандары діни басқармасы мен «Қызылжар» орталық мешітінің ұйымдастыруымен «Дін және дәстүр» тақырыбында конференция болып өтті. Бұл жиын жас ұрпақтың бойында рухани құндылықтарды қалыптастырып, қазіргі таңдағы өзекті мәселе – діни экстремизм мен діни ағымдарға бой алдырмау мақсатында ұйымдастырылып отыр. Оған облыс аудандарының имамдары қатысты.
Конференцияда «Ислам және дәстүр сабақтастығы», «Рухани құндылықтарды қалыптастыру мен дамытудағы қазақ әйелінің рөлі», тағы да басқа тақырыптарда баяндамалар оқылып, студенттердің көкейкесті сұрақтарына жауап берілді.
Әр адамның жүрегінде имандылық пен махаббатты сақтай алатын тұлға болып қалыптасуына осындай басқосулардың тигізер ықпалы зор.
